Hyri në fuqi Marrëveshja e "Qiejve të hapur" mes BE-së dhe SHBA-sëBruksel, 30 mars (MIA) - Nga dita e sotme hyn në fuqi marrëveshja "Qiej të hapur" midis BE-së dhe SHBA-së, me të cilën kompanitë amerikane dhe evropiane do të mund të kryejnë fluturime direkte nga çdo aeroport në të dyja anët e Oqeanit Atlantik.
Nga ky moment e më pas çdo avion evropian do të ketë mundësi të fluturojë nga çdo aeroport i BE-së për në SHBA, p.sh një avion si British Airways mund të ketë fluturime nga Roma në Nju-Jork.
Gjithashtu nuk ka kufizime se nga cilat aeroporte mund të fluturojnë në Evropë, avionët amerikanë.
Linjat ajrore thonë se pakti që u arrit pas katër vjet negociatash do të çojë në më tepër efikasitet dhe do të mbajë çmimet të ulura.
Si një nga shtetet e reja anëtare të BE-së, Sllovenia ka hequr kontrollet me Austrinë, Italinë dhe Hungarinë, ndërsa ka forcuar kontrollet me Kroacinë pasi Kroacia është jashtë BE-së.
Kreu i policisë kufitare në Slloveni, Andrej Zakrajsek, tha se procedurat në aeroportin e Ljubjanës i janë nënshtruar kontrolleve të forta.
"Ne na është dashur të përgatitemi për të kryer kontroll në kufi për të qenë në linjë me Shengenin. Disa herë u kontrolluam dhe na u konfirmua se puna që po bënim ishte në rregull. Pajisja jonë është e teknologjisë së lartë, kështu që ja ku jemi tan duke pritur hyrje të plotë në zonën Shengen.", tha Sakrajsek.
|