Video-incizimi zbuloi se si duket sulmuesi potencial nga BostoniUashington, 18 prill 2013 (MIA) - Hetuesit amerikanë sot janë në kërkim të një burri, i cili është incizuar nga kamerat e sigurisë se si e le një trastë me bombë në maratonën e Bostonit, deklaroi një politikan nga Bostoni.
Autoritetet tani dinë se si duket i dyshimti potencial, por nuk e dinë emrin e tij.
Hetuesit analizojnë fotografi dhe video-incizime që të konfirmojnë se kush i ka kryer sulmet me bombë dhe pse. Ato incizime nuk janë publikuar.
Kryetari i Këshillit të qytetit Stiven Marfi deklaroi se ka qenë i njoftuar nga policia e Bostonit se personi i dyshimtë është vërejtur në incizim nga kamerat e sigurisë në një shtëpi të mallrave në afërsi të cakut të garës së maratonës dhe se pamja e tij ngjan me përshkrimin e një dëshmitari.
Në sulmin me bombë në Boston të hënën humbën jetën tre persona, ndërsa më shumë se 180 janë lënduar, prej të cilëve 17 janë në gjendje kritike.
|