Numri i të vdekurve të trajektit të mbytur jugokorean u rrit në 159Seul, 24 prill 2014 (MIA) - Numri i viktimave të konfirmuar gjatë mbytjes së trajektit më 16 prill në afërsi të bregdetit jugperëndimor të Koresë së Jugut, u ngjit në 159 persona.
Mbi 143 persona akoma rezultojnë të zhdukur, ndërsa ekipet e polumbarëve janë duke e vazhduar operacionin për gjetjen e tyre. Autoritetet druajnë se 302 nga gjithsej 476 persona, të cilët kanë qenë në trajket më 16 prill e kanë humbur jetën.
Nga 476 pasagjerët dhe anëtarët e ekuipazhit, 339 ishin nxënës të shkollave të mesme dhe profesorë të cilët kanë qenë në piknik, ndërsa mbi 75 prë qind e 323 nxënësve e humbën jetën apo rezultojnë të zhdukur pas mbytjes së trajektit Sevol para një jave. Vetëm 174 persona kanë shpëtuar, ndërsa supozohet se të tjerët janë mbytur.
|