Ban Ki-mun kërkon armëpushim në Gazë

Nju-Jork, 10 korrik 2014(MIA) - Sekretari i përgjitshëm i Kombeve të Bashkuara, Ban Ki-mun, i ka bërë thirrje komunitetit ndërkombëtar që të bëjë gjithçka të mundur për të ndaluar përshkallëzimin e dhunës midis Izraelit dhe palestinezëve në Rripin e Gazës.

Duke iu adresuar një takimi urgjent të Këshillit të Sigurimit, Ban u ka bërë thirrje të dyja palëve që të dakordohen për armëpushim.

Ai ka dënuar kryengritësit palestinez për hedhjen e raketave në Izrael, por po ashtu ka paralajmëruar Izraelin kundër përdorimit të tepruar të forcës dhe rrezikimit të civilëve.

Mbi 80 palestinezë janë vrarë prejse Izraeli ka nisur ofensivën në Gazë më 7 korrik, në përgjigje të sulmeve me raketa nga militantët e Hamasit, që kontrollojnë Gazën.