SHBA-ja miratoi 225 milionë dollarë për sistem mbrojtës izraelit antiraketor Uashington, 5 gusht 2014 (MIA) - Presidenti amerikan Barak Obama nënshkroi ligj me të cilin miratohen 225 milionë dollarë shtesë për sistemin mbrojtës izraelit antiraketor "Kupola e hekurt".
Sistemi mbrojtës "Kupola e hekurt" u tregua jashtëzakonisht efikas në përleshjen aktuale mes Izraelit dhe Hamasit në Rripin e Gazës.
Sistemi mundëson që armata izraelite t'i rrëzojë raketat që lëvizin drejt vendbanimeve, ndërsa sipas përfaqësuesve izraelitë suksesi i sistemit arrin 90 për qind.
SHBA-ja paraprakisht ka ndarë qindra milionë dollarë për sistemin "Kupola e hekurt". Mjetet javën e kaluar, para pushimit veror, janë miratuar edhe nga Kongresi.
|