Qytetarët izraelitë konsiderojnë se nuk ka fitues në luftën në Gaza

Jerusalem, 6 gusht 2014 (MIA) - Sipas shumicës së izraelitëve "askush" nuk është fitues në luftën mes Izraelit dhe Hamasit, prej se mbrëmë hyri në fuqi armëpushimi treditor mes të dy palëve, tregojnë sot të dhënat e shpallura nga hulumtimi në shtetin hebraik.

Në pyetjen se si i vlerësojnë  në këtë etapë rezultatet e operacionit izraelit në Rripin e Gazës, e cila filloi më 8 korrik, 51 për qind e izraelitëve të anketuar janë përgjigjur se nuk kanë caktuar fitore as Izraeli, as Hamasi.

Tridhjetë e gjashtë për qind e qytetarëve konsiderojnë se Izraeli është fitues, ndërsa gjashtë për qind pohojnë se është Hamasi.

Anketa tregon edhe për 56 për qind të popullatës izraelite qëllimet të cilat i vendosi Qeveria për shkatërrimin e tuneleve mes Rripit të Gazës dhe Izraelit, janë arritur vetëm pjesërisht.

Shtatëdhjetë e shtatë për qind e të anketuarve japin vlerësim "të shkëlqyer" ose "të mirë" për mënyrën në të cilën kryeministri Benjamin Netanjahu e ka zbatuar ofensivën izraelite.