Hamasi nuk do ta respektojë armëpushimin

Kajro, 8 gusht 2014 (MIA) - Lëvizja palestineze Hamas e cila ka kontroll mbi Rripin e Gazës, kumtoi në Kajro se nuk do të ketë vazhdim të armëpushimit me Izralin që ishte pothuajse 72 orë dhe përfundon mëngjesin e sotëm.

Dy raketa të lëshuara nga Hamasi kanë rënë në një zonë në jug të Izraelit, vetëm 3 orë para përfundimit të armëpushimit 3-ditor, kanë bërë të ditur autoritetet izraelite.

Zyrtarët egjiptianë, të cilët sugjeruan armëpushim 72-orësh që filloi të martën, po kërkonin me ngulm të bindin të dyja palët për të rënë dakord për një marrëveshje afatgjatë.

Një zëdhënës i Hamasit i bëri thirrje negociatorëve palestinezë në Kajro për të refuzuar çdo zgjatje të armëpushimit nëse nuk përmbushen kërkesat afatgjata. Ai tha se organizata ishte e gatshme për një luftë të gjatë.

Ndërkohë, pala izraelite ishte shprehur e gatshme për të zgjatur armëpushimin para se të përfundonte afati të premten në mëngjes.

Pas 4 javë luftimesh të ashpra ndërmjet forcave izraelite dhe militantëve në Gaza më shumë se 1900 njerëz kanë mbetur të vdekur.