Parandalohet përpjekja e SHI-së për pushtimin e Kobanit

Damask, 18 tetor 2014 (MIA) - Forcat kurde në qytetin sirian Koban sot parandaluan një përpjekje të re të ekstremistëve të Shtetit Islamik për ta pushtuar qytetin.

"Gjatë natës koalicioni i kryesuar nga SHBA-ja kreu pesë sulme mbi pozitat e SHI-së në Koban", deklaroi përfaqësuesi kurd, Idriz Nasen.

Në ndërkohë, armata amerikane kumtoi se edhe krahas shenjave inkurajuese, sulmet ndoshta nuk do ta pengojnë pushtimin e Kobanit nga ana e SHI-së, duke shtuar se prioritet i saj është lufta kundër islamistëve në Irak.

Pjesëtarët e SHI-së e granatuan anën siriane të vendkalimit kufitar me Turqinë, e cila është rruga e vetme për furnizimin e luftëtarëve kurdë, por edhe rruga e vetme për arratinë e civilëve nga Kobani.

Obsrvatori sirian për të drejta të njeriut kumtoi se xhihadistët kanë dërguar një numër të madh të ushtarëve në Koban.