Presidenti i Burkina Fasos ka parashtruar dorëheqje

Uagadugu, 31 tetor 2014 (MIA) -  Presidenti i Burkinas Faso, Blaise Kompaore, ka thënë se ka dhënë dorëheqje, për shkak të protestave të dhunshme kundër sundimit të tij 27-vjeçar.

Kompaore ka bërë thirrje për zgjedhje të lira dhe transparente brenda 90 ditësh.

Shefi i ushtrisë, Honore Traore, ka thënë se ka marrë kryesimin e shtetit.

Zhvillimet vijnë një ditë pasi protestuesit kanë sulmuar ndërtesën e parlamentit, duke vënë në flakë disa pjesë të saj.

Ata kanë thënë se duan të ndalojnë votimin parlamentar, që do t’i mundësonte presidentit Kompaore të garojë për mandatin e pestë.

Opozita ka thënë se rreth 30 njerëz janë vrarë në përleshjet me policinë, por shifrat nuk janë konfirmuar në mënyrë të pavarur.

Kompaore është në pushtet qysh në vitin 1987.