Izrael: Hezbollah "do të paguajë" për sulminJerusalem, 29 janar 2015 (MIA) - Kryeministri izraelit Benjamin Netanjahu e paralajmëroi sot lëvizjen shiite libaneze Hezbollah se "do të paguajë" për sulmin e djeshëm raketor, në të cilin kanë humbur jetën dy ushtarë izraelitë.
Izraeli i ka thënë Këshillit të Sigurimit të Kombeve të Bashkuara se do të mbrohet, pasi Hezbollahu ka vrarë dy ushtarë të tij.
Ambasadori i Izraelit në OKB, Ron Prosor, ka theksuar se nuk do të qëndrojë duarkryq derisa Hezbollahu sulmon caqet izraelite.
Ai i ka bërë këto komente në një letër dërguar sekretarit të përgjithshëm të OKB-së, Ban Ki-mun.
Militantët e Hezbollahut dje kanë sulmuar me raketa një konvoj ushtarak të Izraelit, në kufi me Libanin.
Dy ushtarë izraelitë janë vrarë dhe shtatë të tjerë janë plagosur.
|