Venezuela vendos viza për shtetasit e SHBA-së

Karakas, 1 mars 2015 (MIA) - Presidenti i Venezuelës Nikolas Maduro bëri të ditur vendosjen e vizave për shtetasit e SHBA-së dhe kërkoi shkurtim të personelit diplomatik amerikan në Karakas.

Në një fjalim publik, Maduro tha se disa amerikanëve do t'u ndalohet të hyjnë në territorin e Venezuelës.

"Disa liderë politikanë të SHBA-së, të cilët i shkelin të drejtat e njeriut, duke i bombarduar vendet si Sirinë, Irakun dhe Afganistanin, nuk do të mund të hyjnë në Venezuelë, sepse janë terroristë", tha Maduro.

Presidenti i theksoi emrat e Xhorxh Bushit, nënpresidentit Dik Çejni dhe dy kongresistët Bob Melendes dhe Marko Rubio.

Venezuela dhe SHBA-ja nuk kanë këmbyer ambasadorë nga viti 2010, por mbajnë marrëdhënie diplomatike përmes renditjes më të ulët të diplomatëve.