Forcat irakiane e ripërtërinë ofenzivën ndaj TikrititBagdad, 25 mars 2015 (MIA) - Forcat irakiane dje sulmuan pozicionet e grupit xhihadist Shteti Islamik (IS) në qytetin Tikrit, duke e ripërtërirë ofensivën, e cila ishte ndërprerë për gati dy javë.
Aeroplanët luftarakë të koalicionit ndërkombëtar, të udhëhequr nga SHBA-ja, kryen sulme në qytetin e lindjes së Sadam Huseinit.
"Operacioni ushtarak në Tikrit filloi rreth orës 21 sipas kohës lokale ndaj pozicioneve të IS-it me artileri, predha dhe raketa "Katjusha", deklaroi përfaqësuesi i Këshillit të krahinës, Hadi al Hazraxhi.
Vendimi për të dhënë mbështetje ajrore operacionit në Tikrit është bashkëpunimi më i madh në mes të koalicionit dhe ushtrisë irakiane. Ky është fillimi i një faze të re të luftës. Përveç kësaj bashkëpunimi do të thotë edhe njohje e qetë nga ana e Bagdadit se mbështetja ajrore është e nevojshme për të marrë kontrollin e qytetit nga luftëtarët e IS-it.
|