Vang: Është arritur përparim i rëndësishëm në negociataPekin, 1 prill, 2015 (MIA) - Ministri kinez i Punëve të Jashtme Vang Ji deklaroi se është arritur përparim i rëndësishëm për çështjet kyçe në negociatat rreth programit bërthamor iranian, kumtoi sot Ministria kineze e Punëve të Jashtme.
Vang deklaroi se qëndrimet e të gjitha palëve në negociata janë afruar dhe ai u bën thirrje të gjithë pjesëmarrësve t'i marin parasysh interesat e rëndësishme të të gjithëve.
Bisedat e Iranit me gjashtëshen ndërkombëtare negocuese (pesë anëtarë të përhershëm të Këshillit të Sigurisë dhe Gjermania) për programin bërthamor iranian do të vazhdojnë edhe sot, prej se shefat e diplomacive të Iranit dhe Rusisë mbrëmë kumtuan se është arritur përparim, ndërsa SHBA-ja përmend se ende nuk janë dakorduar të gjitha çështjet.
Paraprakisht afati i konfirmuar për arritje të marrëveshjes skadoi në mesnatë, ndërsa në negociata ende nuk janë dakorduar disa detaje kyçe, siç është ndërprerja e sanksioneve të KB-së ndaj Iranit.
Ministri iranian i Punëve të Jashtme Muhamed Xhavad Zarif shfaqi shpresë se gjatë ditës do të përfundojnë konturet e marrëveshjes korrnizë.
|