Pentagon: Shteti islamik ka hubmur rreth 30 për qind të territorit

Uashington, 14 prill 2015 (MIA) - Pentagoni ka bërë të ditur se grupi ekstremist, Shteti Islamik (SHI), e ka humbur kontrollin ndaj pothuajse 17 mijë kilometrave katrorë në Irak, pas disa muajve të sulmeve ajrore të koalicionit të udhëhequr nga Shtetet e Bashkuara dhe ofensivës së forcave të Irakut.

Zëdhënësi i Pentagonit, Stiv Uarren, deklaroi mbrëmë vonë se linjat e frontit të territorit, që mbahet nën kontroll të militantëve të SHI-së, janë shtyrë mëtutje në jug dhe në perëndim të Irakut.

Sipas tij, forcat e sigurisë së Irakut dhe sulmet ajrore "pa dyshim kanë shkaktuar një lloj të dëmit" ndaj militantëve të Shtetit Islamik dhe se grupi tash "ngadalë po kthehet prapa".

Megjithatë, militantët ende e kanë nën kontroll një territor të gjërë që shtrihet nga perëndimi dhe jugu i rajonit Sinxhar, e deri në Mosul dhe Baixhi.

Mëtutje, koloneli Uarren tha se luftëtarët e grupit ekstremist, Shteti Islamik, e kanë mbajtur ndikimin e tyre në terren në Siri, meqë derisa kanë humbur territore rreth qytetit Kobani, kanë fituar terren rreth Homsit dhe Damaskut.