SHI mori edhe një qytet në provincën irakiane AnbarBagdad, 22 maj 2015 (MIA) - Xhihadistët nga grupi Shteti Islamik (SHI), morën edhe një qytet në krahinën perëndimore Anbar të Irakut, për më pak se një javë pasi vendosën kontrollin në kryeqytetin e saj Ramadi, tha një lider fisnor lokal.
"Qytetit Husejba ra në duart e xhihadistëve natën e kaluar, kur policia dhe luftëtarët fisnorë u tërhoq pasi më nuk kishin municion", deklaroi sheiku Rafi el Fahdavi.
"Nuk kishim asnjë ndihmë nga qeveria. Njerëzit tanë luftuan deri në plumbin e fundit dhe disa prej tyre u vranë", tha ai.
Husejba është shtatë kilometra në lindje të Ramadit, ku SHI i mundi forcat irakiane javën e kaluar, në ofensivën më të madhe të këtij viti.
"Situata është jashtëzakonisht kritike. Xhihadistët janë pesë kilometra larg nga baza strategjike ushtarake Habanija, e cila tani është në rrezik të madh, theksoi ai.
|