Plani i ri i KE-së parashikon që vendet e BE-së të pranojnë 120.000 refugjatë shtesë

Berlin, 6 shtator 2015 (MIA) - Sipas planit të kryetarit të Komisionit Evropian Zhan-Klod Junker, Gjermania duhet të pranojë 31.443 refugjatë shtesë, nga Hungaria, Greqia dhe Italia, shkruan në numrin e sotëm gazeta gjermane "Velt am Zontag", transmeton TASS.

Gazeta i referohet dokumentit zyrtar, që i përmban propozimet e reja të Komisionit Evropian për rritje të pranimit të migrantëve, që Junker planifikon ta prezantojë më 9 shtator. Komisioni planifikon të propozojë që vendet e BE-së të pranojnë pranimin e 120.000 refugjatëve shtesë plaus 40.000, për të cilët u arrit marrëveshje në korrik.

Sipas planit të Junkerit, Gjermania do të pranojë më së shumti refugjatë. Francës do t'i propozohet që të pranojë 24.000, ndërsa Spanjës 15.000. Autoritetet gjermane veçmë janë dakorduar që të pranojnë 10.000 refugjatë ng numri fillestar prej 40.000 refugjatë.