Për dy ditë fillon shpërngulja e imigrantëve në BE sipas kuotaveBruksel, 7 tetor 2015 (MIA) - Nga e premtja fillon zbatimi i skemave për shpërnguljen e migrantëve në BE sipas kuotave, kumtoi Komisioni Evropian.
Të shpërngulurit e parë do të jenë eritrianë, të cilët kanë arritur në Itali. Ata do të vendosen sipas dëshirës personale në Suedi.
Komisioni nuk saktëson se sa imigrantë do të përfshihen me hapin e parë pas zbatimit të asaj skeme.
"Të shpërngulurit do të jenë migrantë të cilët janë regjistruar dhe janë adekuat për kushtet për marrjen e patronazhit në Bashkimin Evropian. Skemat nuk parashikojnë shpërngulje të migrantëve të cilët në mënyrë joligjore kanë hyrë në BE", thekson Margaritis Skinas, zëdhënës i Komisionit.
|