Erjavec: Fluksi i refugjatëve nuk do të ndërpritet gjatë dimrit

Vjenë, 12 nëntor 2015 (MIA) - Ministri slloven i Punëve të Jashtme, Karl Erjavec deklaroi sot në një intervistë për "Prese"-n vjeneze se fluksi i refugjatëve nuk do të ndërpritet gjatë dimrit dhe paralajmëroi se vendi i tij në të ardhmen do t'i kthejë emigrantët dhe se nuk do t'i pranojë refugjatët të cilët eventualisht në Slloveni do t'i dëbonte Gjermania.

"Nuk bëhet fjalë për asnjë rrethojë, por për barrierë teknike, e cila duhet të mundësojë kontroll më të lehtë të fluksit të refugjatëve, si dhe regjistrim. Në të kaluarën Kroacia tërësisht në mënyrë të pakontrolluar dërgonte grupe refugjatësh në Slloveni", sqaroi Erjavec.

Ai shprehi keqardhje që nuk është mundësuar nga Kroacia, deri në samitin e BE- Ballkani Perëndimor në Bruksel të marrin informacione për refugjatët.

Sipas tij, Kroacia deri tani i përmbahet marrëveshjes dhe njofton kur grupet e refugjatëve vijnë në kufij.

Në konstatimin se atëherë nuk nevojiten barriera, Erjavec tha se fluksi i refugjatëve edhe shumë do të zgjasë.