Peskov: Aeroplani ka fluturuar mbi SiriSoçi, 24 nëntor 2015 (MIA) - Kremlini me siguri e di se aeroplani ushtarak rus Su-24, i cili është rrëzuar sot ndodhej mbi Siri, në hapësirën ajrore siriane, deklaroi sot zëdhënësi i presidentit rus Dmitrij Peskov.
Ai shtoi se në këtë moment nuk do të ishte e drejtë të flasë për çfarëdo qoftë pasoja të marrëdhënieve ruso-turke pasi që aeroplanët gjuetarë turq e kanë rrëzuar aeroplanin rus.
Sipas fjalëve të tij, Kremlini me siguri e di se aeroplani Su-24 ka fluturuar mbi Sirinë.
"Megjithatë, akoma nuk kemi marrë nga Ministria jonë e Mbrojtjes informacion për shkaqet e rrëzimit të aeroplanit. E dimë vetëm se ka qenë në hapësirën ajsore të Sirisë, mbi territorin e e Sirisë", theksoi Peskov.
Ai shtoi se ekziston mundësi që presidenti i Rusisë Vladimir Putin të prononcohet sot me rastin e incidentit.
Peskov, gjithashtu tha se Kremlini nuk e di nëse vizita e shefit të diplomacisë ruse Sergej Lavrov në Turqi, e paralajmëruar për nesër është anuluar për shkak të incidentit me aeroplanin.
|