Është e madhe mundësia që Britania e Madhe të qëndrojë në BE, sipas koeficientëve të bastoreveLondër, 20 maj 2016 (MIA) - Bastoret dje kumtuan se ekziston mundësia deri tani më e madhe për qëndrimin e Britanisë së Madhe në Bashkimin Evropian në referendumin e 23 qershorit.
"Uiliam Hill" e uli koeficientin për votim për mbështetjen e anëtarësimit të Britanisë së Madhe në BE në një ndaj pesë, që është niveli më i ulët deri tani. Sipas kësaj bastore, mundësia për votim të tillë për momentin është 83 për qind.
"Betfer" i rriti mundësitë për votim për mbështetjen e qëndrimit të BE-së në 77,5 për qind. Javën e kaluar ishin përcaktuar 70 për qind.
Numri i madh i investuesve me kujdes i ndjekin koeficientet e bastoreve për momentin, kur hulumtimet sociologjike prezantojnë të dhëna tejet të ndryshme për disponimin e opinionit.
|