Një polic humbi jetën në dramën e pengjeve në Armeni, dy pengje janë liruarErevan, 17 korrik 2016 (MIA) - Një polic humbi jetën, ndërsa dy janë plagosur, në sulmin sot në mëngjes nga një grup i armatosur personash ndaj ndërtesës së policisë dhe forcave të brendshme në Erevan, ndërsa forcat speciale armene liruan dy pengje, njoftoi Shërbimi i Sigurisë Shtetërore. Detaje të tjera për vrasjen e policit dhe për operacionin e shërbimeve speciale nuk janë njoftuar.
"Organet e sigurisë tërësisht e kanë në kontroll situatën dhe i marrin masat e duhura për zgjidhjen e dramës së pengjeve", thuhet në njoftim.
Sipas informacioneve më të reja rreth 30 ithtarë të opozitës radikale armene kanë marrë nën kontroll ndërtesën e policisë, ndërsa në këmbimin e zajrrit ka të plagosur nga të dyja palët.
Paraprakisht tetë oficerë policorë janë marrë si pengje nga një grup i armatosir, që sot në mëngjes e sulmuan ndërtesën e policisë dhe të forcave të brendshme ushtarake në Armeni në rajonin Erebun në Erevan, me kërkesë për lirimin e një opozicioneri.
Midis pengjeve janë zëvendës-shefi i policisë së Armenisë, gjeneral majori Vardan Egiazarjan dhe zëvendësshefi i policisë në Erevan, koloneli Valerij Osipjan, deklaroi deputeti në Parlament, Nikoll Pashinjan.
Ai sot në mëngjes ndodhet në vendin e incidentit dhe negocion me sulmuesit. Sipas tij grupi i armatosur kërkon "dorëheqjen e drejtuesve të Republikës dhe lirimin e Zhirair Sefilijan".
"Një grup i opozicionerëve armenë e morën selinë e patrullës policore dhe inspeksionit në Erevan", njoftoi sot Shërbimi armen i sigurisë shtetërore, duke hedhur poshtë si të rreme konfirmimet se bëhet fjalë për "krynegritje".
Shërbimi armen i sigurisë citon se vazhdojnë negociatat me personat e armatosur, me qëllim që ata në mënyrë të qetë të dorëzohen.
Ithtarët e opozitarit Zhirar Sefilijan, i cili është vrarë më 20 korrik dhe akuzohet për një grup të organizuar kriminal, publikoi se planifikon që ta ndryshojë situatën në Armeni përmes kryngritjes së armatosur, citohet në njoftimin e grupit opozitar.
"Tashmë e morëm kontrollin mbi një nga bazat kryesore policore në Erevan dhe e kontrollojmë kuartin Erebuin, në pjesën jugore të kryeqendrës", konfirmojnë opozitarët.
Sefilijan është ish-komandant ushtarak dhe është kritik i ashpër i presidentit të Armenisë, Serzh Sarkisjan, i cili nuk është i knaqur nga mënyra se si Qeveria ballafaqohet me konfliktin rreth Nagorno Karabah.
|