Rusia është e gatshme ta vazhdojë armëpushimin në Siri edhe për 72 orëMoskë, 16 shtator 2016 (MIA) - Rusia është e gatshme ta vazhdojë armëpushimin në Siri, i cili skadon sonte, edhe për 72 orë, deklaroi sot përfaqësuesi i lartë rus, Viktor Poznihir.
"Jemi të gatshëm ta vazhdojmë regjimin e ndërprerjes së zjarrit edhe për 72 orë", theksoi zëvendës shefi i Drejtorisë kryesore të Shtatmadhorisë së ushtrisë ruse.
Ai theksoi se pritet që "pala amerikane të ndërmarrë masa drastike, me qëllim që të ndikojë ndaj njësive të armatosura të cilat i kontrollon dhe me atë të sigurojë respektim të plotë të marrëveshjes së 9 shtatorit".
"Në të kundërtën situata do të mund të dalë nga kontrolli", shtoi Poznihir.
|