NATO-ja e përkrah idenë për mbrojtje evropianeBruksel, 27 tetor 2016 (MIA) - Sekretari i përgjithshëm i NATO-s, Jens Stoltenberg ka shprehur përkrahje për idenë për mbrojtje evropiane.
Ai për këtë u prononcua në konferencën për shtyp pas përfundimit të mbledhjes dyditore të ministrave të mbrojtjes të vendeve-anëtare në Bruksel.
"Besoj se mbrojtja evropiane mund të përforcohet, pa u përsëritur aktivitetet e NATO-s. Nuk kemi dëshirë të garojmë me vetveten", sqaroi ai.
Ai shtoi se mbrojtja evropiane do ta përforcojë NATO-n me më shumë mundësi, me harmonizim dhe me shfrytëzim më të mirë të mjeteve.
"Nuk bëhet fjalë për armatë evropiane, as BE-ja t'i mbulojë strukturat e NATO-s. Besoj se Evropa më e fuqishme do të jetë në dobi për fuqinë e NATO-s", tha Stoltenberg.
Përforcimi i mbrojtjes evropiane është një nga prioritetet e Komisionit evropian, të prezantuara nga kryetari i KE-së, Zhan Klod Junker në shtator para Parlamentit evropian.
|