Fico: Samit i jashtëzakonshëm i Grupit të Vishegradit për ushqim jocilësor për anëtaret e reja të BE-sëBratislavë, 24 shkurt 2017 (MIA) - Kryeministri sllovak Robert Fico paralajmëroi në Bratislavë se Grupi i Vishegradit në samitin e jashtëzakonshëm javën e ardhshme në Poloni do të kërkojë nga Bashkimi Evropian të parandalohet praktika e papranueshme e anëtareve postkomuniste të BE-së të eksportohen prodhimet e njëjta me cilësi më të keqe dhe me përbërje më ndryshe se në Perëndim. "Është e papranueshme që kompanitë multinacionale të eksportojnë në territorin e vendeve të reja postkomuniste prodhime me cilësi më të keqe, se sa ata që nën emrin e njëjtë dhe me paketim të njëjtë shiten në dyqanet në Evropën Perëndimore", deklaroi Fico dje në Bratislavë. Një pjesë e madhe e testeve të ndryshme në Çeki dhe Sllovaki vitet e fundit treguan se përbërja e ushqimeve dhe mallrave të cilat i blejnë evropianët perëndimorë të "rinj" dhe "të vjetër" nuk janë të njëjta dhe se në tregun e anëtareve postkomuniste prodhimet janë me cilësi më të keqe ose me përbërje më të varfër, se sa për konsumatorët perëndimorë. Kompanitë kombëtare deri tani i hodhën poshtë akuzat se në Lindje eksportojnë mall jocilësor dhe pohojnë se dallimi në përbërje është për shkak të "shijeve së konsumatorëve".
|