Policia spanjolle ka arrestuar 12 politikanë dhe përfaqësues të lartë në BarcelonëMadrid, 20 shtator 2017 (MIA) - Policia spanjolle sot ka kryer bastisje në selinë e Qeverisë së Katalonjës në Barcelonë, ku janë arrestuar 12 politikanë dhe përfaqësues të lartë, lajmëroi DPA. Midis të arrestuarve është edhe zëvendësministri i Ekonomisë të Katalonјës, Hosel Maria Jove, bënë të ditur mediat spanjolle, duke iu referuar policisë paraushtarake "Gvardia Sivil". Arrestimet janë kryer dhjetë ditë para referendumit të planifikuar për pavarësinë e Katalonjës. Qindra njerëz protestuan para selisë së autoriteteve rajonale në Barcelonë, duke i bërë thirrje policisë spanjolle për të "dalë". Presidenti katalanas Karles Puxhdemon thirri takim urgjent pas bastisjeve dhe arrestimeve të zbatuara. Edhe pse Gjykata Kushtetuese në Madrid e ndaloi referendumin i cili duhet të mbahet në tetor, Puxhdemon megjithatë premtoi se votimi do të zbatohet. Javën e kaluar një milionë njerëz dolën në rrugët e Barcelonës dhe kërkuan pavarësi. Kryeministri spanjoll Mariano Rahoj disa herë deri më tani ka deklaruar se në asnjë rast nuk do të lejojë që rajoni më i pasur dhe më ekonomik në Spanjë të shkëputet nga vendi.
|