Forcat evropiane sot do ta konfirmojnë mbështetjen për marrëveshjen bërthamore iraniane

Bruksel, 11 janar 2018 (MIA) - Forcat evropiane sot do ta konfirmojnë mbështetjen e tyre për marrëveshjen bërthamore iraniane, marrëveshje kjo e përjashtuar nga presidenti amerikan Donald Tramp, deklaruan diplomatët evropianë.
Kjo ndodh para afatit që presidenti amerikan të vendosë nëse përsëri do t'i vendosë sanksionet e naftës ndaj Iranit, të cilat u pezulluan në kuadër të marrëveshjes.
Në takimin e Britanisë, Francës dhe Gjermanisë me Iranin, të organizuar nga shefja e diplomacisë evropiane, Federika Mogerini priten garanci të reja nga Teherani dhe premtime evropiane për zbatimin e marrëveshjes.
Ato do të kërkojnë nga Irani të vazhdojë të pranojë inspektime ndërkombëtare, kumtuan diplomatët.
Teherani mohon se po përpiqet që të furnizohet me armë bërthamore.
"Qëllimi i takimit është t'i dërgohet mesazh Uashingtonit se Irani bashkëpunon dhe se është më mirë që të ekzistojë marrëveshje bërthamore sesa të izolohet Teherani", deklaroi një diplomat evropian.
"Data e takimit jo rastësisht është zgjedhur. Kjo është fushatë që është ngritur në tetor", deklaroi një diplomat tjetër.