Rrëzohet aeroplani i një grupi akrobatik të aviacionit ushtarak britanik

Londër, 20 mars 2018 (MIA) - Aeroplani i grupit akrobatik "Shigjetat e Kuqe" të aviacionit ushtarak britanik është rrëzuar në afërsi të bazës "Ueli" në Uells, dhe ende nuk dihet nëse dy pilotët nuk kanë arritur të katapultojnë, lajmëroi Bi-Bo-Si.
Ministria britanike e Mbrojtjes konfirmoi se bëhet fjalë për aeroplan të tipit "skifter" dhe theksoi se në vendngjarje menjëherë janë drejtuar ekipet e shpëtimit.
Në aeroplan ka pasur dy anëtarë të ekuipazhit, ndërsa dëshmitarë kanë deklaruar se kanë parë një parashutë, para se fluturakja të rrëzohet në tokë.
Zëdhënësi i Aviacionit Ushtarak Mbretëror (AUM) deklaroi se incidenti po hetohet dhe se "do të ishte e papërshtatshme të japë çfarëdo komenti".
Grupi akrobatik "Shigjetat e Kuqe" janë akro-grupi më i njohur i Aviacionit Ushtarak Mbretëror që ekzekuton akrobacione në aeroplan të tipit "Skifteri".