Bler: Kryeministres Mej nuk i duhet miratim për sulm ndaj SirisëLondër, 11 prill 2018 (MIA) - Ish kryeministri britanik Toni Bler i ka përkrahur thirrjet për intervenim ushtarak në Siri dhe e sugjeroi kryeministren aktuale të Britanisë së Madhe, Thereza Mej "ta anashkalojë" Parlamentin gjatë marrjes së vendimit për aksion kundër presidentit sirian, Bashar Asad. Ai deklaroi se kryeministres Mej nuk i duhet miratim nga Parlamenti për fillimin e sulmeve ajrore mbi forcat e Asadit. Bler paralajmëroi se mosndërmarrja e aksionit kundër autoriteteve siriane dhe aleatëve të tyre, vetëm do t'i inkurajojë të bëjnë më shumë krime. Ai shtoi se Qeveria britanike duhet ta përkrahë SHBA-në. "Nëse SHBA-ja ndërmerr aksion, duhet të përgatitemi që të jemi me ta", deklaroi Bler në intervistë për Radio Bi-Bi-Si 4. Ish kryeministri britanik shtoi se Qeveria franceze sipas gjitha gjasave është në pozitën e njëjtë, sepse është e rëndësishme që bashkësia ndërkombëtare të ndërmarr qëndrim kundër përdorimit të armëve kimike.
|