Hagë, 19 mars 2019 (MIA) – Policia holandeze arrestoi edhe një person nën dyshimin për lidhshmëri me sulmin në Utreht me ç’rast jetën e humbën tre persona, ndërsa pesë të tjerë janë lënduar.
Zëdhënësi i Zyres së prokurorit publik Tis Kortman deklaroi se tre persona janë në paraburgim, sulmuesi i dyshuar, 37-vjeçari Gokmen Tanish dhe dy persona të tjerë.
Kortman theksoi se Tanish është mbajtur në paraburgim nën dyshimin për vrasje me motiv të mundshëm terrorist. Ai shtoi se hetimi vazhdon në mënyrë që të konstatohet se çka e ka nxitur të gjuajë në tramvaj.
Autoritetet nuk i përjashtojnë as motivet e tjera të mundshme, ndërkaq mediumet holandeze i citojnë fqinjët e të dyshuarit, të cilët pohojnë se sulmi është i lidhur me lidhje dashurie.
I dyshuari Tanish prej më parë është i njohur për autoritetet holandeze. ab/