Vjenë, 27 janar 2020 (MIA) – Kancelari austriak, Sebastian Kurc, sot me rastin e Ditës së kujtimit të holokaustit, porosit se antisemitizmi dhe urrejtja nuk guxojnë kurrë të kenë vend në shoqërinë austriake.
Kurc në komunikatë thekson se më me rëndësi është që të kujtohemi në viktimat e holokaustit.
Ai theksoi se është e domosdoshme të zhvillohet luftë kundër të gjitha formave të antisemitizmit, si dhe anticionizmit.
“Ne duhet të nxjerrim mësime të drejta nga krimi për aktualen dhe të ardhmen dhe të përballemi sinqerisht dhe pa kushte me të kaluarën”, theksoi Kurc.
Sipas tij, austriakët kanë detyrim që me vendosshmëri t’i përballen tendencave antisemitiste në vend dhe jashtë tij. mb/