Vjenë, 19 prill 2021 (MIA) – Austria nuk do ta përdorë vaksinën ruse Sputnik V derisa nuk miratohet nga Agjencia Evropiane e Barërave (EMA), deklaroi kancelari austriak, Sebastian Kurc.
Vendi është duke negociuar me Rusinë për blerjen e një milionë dozave, por porosia akoma nuk është publikuar.
Deri më tani Kurc ka refuzuar të thotë nëse vendi do të presë miratim nga EMA ose do të sillet si Hungaria, e cila e përdorë vaksinën ruse pa miratimin e agjencisë.
Hungaria është vendi i vetëm anëtar i BE-së që e përdorë vaksinë ruse, ndërsa edhe Sllovakia ka porositur doza.
“Shpresojmë për miratimin e shpejtë të EMA-s, pasi çdo dozë shtesë e vaksinës do të ndihmojë të shpëtohen jetë”, tha Kurc dhe shtoi se Qeveria është pajtuar ta porosisë këtë medikament.