Kameron paralajmëroi mbështetje për eurozonën gjatë përballjes me krizën debitore

Paris, 2 dhjetor 2011 (MIA) - Kryeministri britanik, Dejvid Kameron deklaroi sot se Britania e Madhe do t'i ndihmojë eurozonës në zgjidhjen e krizës debitore edhe krahas asaj që Mbretëria e bashkuar nuk e vendosi valutën e përbashkët evropiane.

Kameron theksoi se ripërtëritja e zhvillimit ekonomik në Evropë është prioritet.

Ai shtoi se ka biseduar me presidentin francez, Nikolla Sarkozi rreth ndryshimeve të domosdoshme për përmirësimin e aftësisë konkurruese.

Kryeministri britanik dhe presidenti francez u takuan sot në suaza të përpjekjeve të shteteve evropiane për ta zgjidhur krizën madje edhe përmes ndryshimeve të mundshme të Marrëveshjes së Lisbonës.

"Vendet e eurozonës duhet t'u tregojnë tregjeve se kanë vullnet për ta mbrojtur valutën e vet, duke i përdorur të gjitha mundësitë", shtoi Kameron.