Vritet një pilot ushtarak francez në MaliParis, 12 janar 2013 (MIA) - Ministri francez i Mbrojtjes, Zhan-Iv Le Drian pohoi se një pilot i një helikopteri francez është vrarë në luftimet kundër kryengritësve islamikë në shtetin perëndimor të Afrikës, në Mali.
Ai nuk sqaroi nëse helikopteri i pilotit ishte qëlluar.
Le Drian tha se avionët luftarakë francezë kanë vazhduar sulmet ajrore kundër forcave islamiste.
Ai tha se qindra trupa franceze po marrin pjesë në operacion dhe po e mbrojnë kryeqytetin e Malit, Bamakon.
Qeveria e Malit ka shpallur gjendjen e jashtëzakonshme, derisa po vazhdon betejën kundër kryengritësve islamikë në veri të vendit, dhe ka kërkuar zyrtarisht ndihmë ushtarake franceze.
|