Vatikan, 14 mars 2013 (MIA) - Vatikani njoftoi se emri zyrtar i papës së sapozgjedhur është Francisk, pa numra romak.
Në konferencën për shtyp në Vatikan zëdhënësi i Fronit të shenjtë Federiko Lombardi e saktësoi emrin e papës së ri me qëllim që të shmangen gabime eventuale, duke përmendur se kardinali kryedhjak Zhan Luis Tauran i cili e publikoi emrin e ri, para botës ka thënë vetëm Francisk. "Kështu është shkruar emri në dokumentin e parë të Vatikanit për papën e ri", shtoi zëdhënësi.
Lombardi theksoi se ky papë ndoshta një ditë do të quhet Francisku i Parë, në qoftë se dikush nga trashëgimtarët e tij vendos t'i tregoj respekt, duke e marrë emrin e tij dhe të quhej Francisku i Dytë.
Kardinali Horhe Mario Bergoljo është papa i parë nga kontinenti amerikan dhe papa i parë jezuit, ndërsa gjithashtu edhe kryetari i parë i Kishës katolike, i cili e zgjodhi emrin Francisk, në përkujtim të Franciskut të Shenjtë nga Asizi.
Lombardi, i cili vetë është jezuit, shprehi kënaqësi nga zgjedhja e emrit, për shkak se Francisk është "dëshmitar i madh i Ungjillit".