Janukoviç: Mbetem president i Ukrainës dhe komandant suprem i armatësMoskë, 11 mars 2014 (MIA) - Presidenti i rrëzuar ukrainas, Viktor Janukoviç sot iu drejtua opinionit, për herë të dytë në dhjetë ditët e fundit nga Rusia, duke porositur se mbetet shefi i vetëm legjitim i shtetit dhe komandant suprem i forcave të armatosura të Ukrainës.
"Jam i sigurtë se ushtarët nuk do t'i pranojnë urdhërat e kriminelëve", theksoi Janukoviç në konferencën për shtyp në qytetin rus Rost on Don.
Ai vlerësoi se zgjedhjet presidenciale të cilat janë caktuar për datën 25 maj janë "absolutisht jolegjitime dhe joligjore".
Sipas tij, nëpër qytetet e Ukrainës po patrullojnë njerëz të maskuar të armatosur, ndërsa anarkia po rritet.
"Ligji amerikan nuk lejon që SHBA-ja t'i japë ndihmë financiare qeverive jolegjitime", konstatoi Janukoviç.
|