Rasmusen: Rusia t'i tërheqë trupat nga kufiri ukrainas

Sofje, 11 prill 2014 (MIA) - Sekretari i përgjithshëm i NATO-s Anders Fog Rasmusen kërkoi nga Rusia që t'i tërheqë trupat e saj nga kufiri ukrainas dhe të inkuadrohet në dialog me respektimin e sovranitetit të Ukrainës.

"Tentimet e Rusisë që me dhunë të shënojë linja të reja të ndarjeve në Evropë, ta kufizojë sovranitetin e Ukrainës dhe sërish të krijojë sferë të ndikimit mbi shtetet e tjera, i shkelin normat ndërkombëtare", deklaroi Rasmusen pas takimit me presidentin bullgar Rosen Rlevneliev në Sofje.

NATO, sipas tij, ndërmerr hapa me qëllim të zgjidhjes së problemeve me jostabilitetin të cilat filluan me aksione "jolegjitime" të Rusisë.

Rasmusen bëri thirrje për gjetje të zgjidhjes politike për krizën dhe shtoi se Aleanca nuk shqyrton opsion ushtarak për Ukrainën. Ai gjithashtu kërkoi që të pengohet ulja në buxhetet ushtarake.