CIA: Brenan nuk i tërheq penjtë në UkrainëUashington, 14 prill 2014 (MIA) - Agjencia zbuluese qendrore amerikane (CIA) i përgënjeshtroi akuzat e ish-presidentit ukrainas Viktor Janukoviç se drejtori i CIA-s Xhon Brenan po i tërheq penjtë në Ukrainë.
Zëdhënësi i CIA-s, Don Bojd deklaroi se "pohimet se drejtori Brenan i ka inkurajuar autoritetet ukrainase të realizojnë operacion taktik në Ukrainë janë plotësisht të pasakta".
Janukoviç paraprakisht e akuzoi CIA-n se qëndron pas vendimit të autoriteteve në Kiev që të shfrytëzojnë forca të armatosura që t'i mposhtin demonstruesit prorusë në pjesën lindore të Ukrainës. Ai theksoi se pas vizitës së Brenanit në Ukrainë, autoritetet në Kiev kanë urdhëruar operacion ushtarak në pjesën lindore të vendit.
Bojd theksoi se CIA nuk e komenton "marshutën e udhëtimit" të drejtorit Brenan.
|