SHBA-ja është duke e shqyrtuar opsionin për t'i dërguar armë UkrainësUashington, 14 prill 2014 (MIA) - SHBA-ja është duke e shqyrtuar opsionin për dërgimin e armëve në Ukrainë, ku protestuesit prorusë pushtuan disa ndërtesa të administratës shtetërore në më shumë qytete në pjesën lindore të vendit, deklaroi sot një këshilltar i sekretarit amerikan të shtetit, Xhon Keri.
Në pyetjen nëse SHBA-ja mund t'i armatos forcat ukrainase, këshilltari Tomas Shenon u përgjigj se "është duke u shqyrtuar kjo çështje, por se tani për tani nuk mund të thuhet prej më parë nëse do të bëhet një gjë e këtillë".
"Nga këndvështrimi ynë, është më se i dukshëm involvimi rus dhe i vlerësojmë këto aksione si destabilizuese dhe të rrezikshme", theksoi Shenon.
Paraprakisht, senatori republikan Xhon Mekejn vlerësoi se SHBA-ja duhet t'u dorëzojë armë autoriteteve ukrainase.
|