Lavrov: Perëndimi tentoi të organizojë revolucion në Ukrainë

Moskë, 24 prill 2014 (MIA) - SHBA-ja dhe Bashkimi Evropian në Ukrainë tentuan të organizojnë edhe një "revolucion", përkatësisht ndryshim jokushtetues të regjimit, deklaroi sot ministri rus i Punëve të Jashtme Sergej Lavrov.

"Perëndimi e shfrytëzoi Ukrainën si pion në lojën e tij gjeopolitike", tha Lavrov në fjalimin në Institutin shtetëror të Moskës për marrëdhënie ndërkombëtare, transmeton Zëri i Rusisë.

Ai shtoi se Ukraina nuk duhet të shfrytëzohet në llogari gjeopolitike të forcave, por duhet të shërbejë si bashkim.

Rusia pret që marrëveshja ndërkombëtare për zgjidhjen e krizës ukrainase, të arritur më 17 prill në Gjenevë, të zbatohet përmes më shumë hapave në praktikë, plotësoi Lavrov.

Rusia pret që marrëveshja e Gjenevës të zbatohet në një të ardhme të afërt, potenconte shefi i diplomacisë ruse.