Berlin, 23 morrik 2014 (MIA) - Kancelarja gjermane Angela Merkel angazhohet për sanksione urgjente ekonomike të BE-së kundër Rusisë, deklaroi zëvendës-zëdhënësi i Qeverisë gjermane, Georg Shtrajter.
Ai theksoi se Merkel, meqë Moska "nuk shpreh interes" për sqarim të fatkeqësisë me aeroplanin malajzian, i konsideron si të domosdoshme vendimet e shpejta evropiane, duke shtuar se kancelarja gjermane i mbështet vendimet e djeshme të shefave të diplomacive të Unionit për ashprësim të ri të sanksioneve ndaj Rusisë.
Në pyetjen nëse në kuadër të sanksioneve kundër Moskës, rusëve mund t'u merret sërish e drejta e organizimit të Kampionatit botëror të futbollit në vitin 2018, Shtrajter u përgjigj se deri atëherë ka edhe katër vjet dhe se "tani ekzistojnë probleme më urgjente se kjo".