Karvani humanitar rus e vazhdoi rrugën drejt UkrainësVoronjezh, 14 gusht 2014 (MIA) - Një karvan rus, me afro 300 kamionë, për të cilin thuhet se është i karakterit humanitar, e ka vazhduar udhëtimin e tij drejt Ukrainës.
Një pjesë e tij është drejtuar për në rajonin Lugansk, në pjesën lindore të Ukrainës, që është nën kontroll të kryengritësve prorusë.
Zyrtarët rusë, më parë, kanë thënë se konvoji do të kaloj në rajonin Harkov, që është nën kontrollin e qeverisë së Ukrainës.
Moska i ka hedhur poshtë pretendimet se konvoji është pretekst për dërgimin e ndihmës ushtarake për separatistët që luftojnë kundër forcave të qeverisë në pjesën lindore të Ukrainës.
Komiteti Ndërkombëtar i Kryqit të Kuq tha se procedurat e kalimit të kufirit dhe të doganës për këtë karvan, ende duhet të qartësohen. Megjithatë, ky komitet ka theksuar se "dërgimi i ndihmave nuk do të duhej të politizohej".
Zyrtari i lartë i Komitetit Ndërkombëtar të Kryqit të Kuq, Laurent Korbaz, më vonë gjatë ditës së sotme pritet të niset për në Kiev dhe Moskë për bisedime.
|