Një deputet ukrainas hedhet në mbeturina

Kiev, 16 shtator 2014 (MIA) - Në Kiev sot ndodhi një incident, kur një deputet u hodh në një kontejner të mbeturinave, pasi dhjetëra qytetarë e kapën për dore dhe e hodhën në plehra.

Duket se situata në Ukrainë po nxehet përpara zgjedhjeve të ardhshme parlamentare. Edhe pse Partia e Rajoneve, lideri i së cilës ishte presidenti, Viktor Janukoviç, tha se nuk do të marrë pjesë në zgjedhje, një nga deputetët e saj përfundoi në kontejner të mbeturinave.

Aty u mbajt për një kohë, duke mos e lejuar që të dal jashtë. Madje e kapën edhe për fyti, duke i akuzuar për trazirat në Ukrainë, transmeton Telegrafi.

Supozohet se ky incident ka ndodhur për shkak të liderit të partisë së tij, Janukoviçit, i cili është dëbuar nga Ukraina, pas disa muaj protestash dhe trazirash në Kiev.

Edhe pse në vendngjarje ishin edhe forcat policore, ata nuk reaguan për një kohë.