Në BE transporti urban më i lirë në Sofje, më i shtrenjtë në KopenhagëBruksel, 30 tetor 2014 (MIA) - Transporti urban në Sofje është më i lirë, në krahasim me çmimet në kryeqytetet e tjera të vendeve të Bashkimit Evropian, tregon hulumtimi i zbatuar nga mediat belge.
Ky shërbim është më i shtrenjtë në Kopenhagë, 17 euro për një biletë me vlefshmëri deri në 24 orë. Në vendin e dytë sipas vlerës së çmimit është Stokholmi me 12 euro.
Në Sofje bileta e tillë kushton dy euro, në Bukuresht 3,60 euro, ndërsa në Athinë katër euro.
Brukseli është në mesin e klasifikimit me çmim të biletës ditore prej shtatë euro.
Në Paris bileta ditore kushton 10,85 euro, ndërsa në Londër midis 11 dhe 21 euro, sipas orëve të udhëtimit.
|