Ukraina përgatit sulm në Donjeck, sipas autoriteteve të Republikës së vetëshpallur të Donjeckut

Moskë, 11 shkurt 2015 (MIA) - Forcat e Republikës së vetëshpallur Popullore të Donjeckut (RPD) kanë informata se forcat e armatosura ukrainase përgatisin sulm ndaj qytetit Donjeck, deklaroi mbrëmë zëdhënësi i Ministrisë së Mbrojtjes të RPD-së, Eduard Basurin.

Ai theksoi se shërbimet vëzhguese të RPD-së kanë të dhëna se forcat ukrainase grupohen në veri të Donjeckut.

"Në afërsi të lokaliteteve Novosjolovska - 2, Avdejevka, Orlovka, Novosjolovka-1, vetëm gjatë ditës së sotme, janë sistemuar të paktën katër bataljonë prej 93-të, 30-të, dhe 28-të brigadë të motorizuar të ushtrisë ukrainase", deklaroi mbrëmë Basurin.

"Koncentrimi i tillë i forcave tregon se ushtria ukrainase përgatitet së shpejti të kryejë sulm ndaj Donjeckut, në përpjekjen ta ndërmarrë bazën detare në periferitë veriperëndimore, deklaroi Basurin.