Bruksel, 15 prill 2015 (MIA) - Komandanti i forcave të NATO-s në Evropë, gjenerali amerikan Filip Bridlav i bëri thirrje Rusisë që të ndalojë në ndezjen e konfliktit në Ukrainë.
"Jam i shqetësuar nga ripërtërirja e përleshjeve në Ukrainë. Me rëndësi vitale është që të gjitha palët të tërhiqen (nga linja e frontit), që do të mund të kontrollohet, ndërsa Rusia të ndalet me ndezjen e konfliktit", shkroi Bridlav në Tuiter.
Zëdhënësi i Armatës ukrainas, Andrij Lisenko sot njoftoi se edhe krahas armëpushimit të shpallur, në 24 orët e fundit në këmbim zjarret në lindje të Ukrainës është vrarë një ushtar ukrainas, ndërsa dy të tjerë janë plagosur.
Lisenko i akuzoi seperatistët prorusë se në këmbim zjarret po përdorin pushka automatike dhe minahedhës, si dhe se dy herë kanë hapur zjarr ndaj tankeve ukrainase në fshatin Piski, i cili ndodhet afër Donjeckut.
Dje, autoritetet ukrainase njoftuan se në 24-orëshin e kaluar jetën e kanë humbur gjashtë ushtarë, ndërsa separatistët informuan për një pjesëtar të tyre të vrarë dhe gjashtë të plagosur gjatë një sulmi të forcave qeveritare.