Shçerbak: Rusia është e shqetësuar për shkak të përpjekeve për destabilizim të MaqedonisëShkup, 26 maj 2015 (MIA) - Federata Ruse angazhohet për mbajtjen e stabilitetit të Republikës së Maqedonisë, për zhvillimin ekonomik të suksesshëm të saj. Nuk përzihemi në punët e brendshme, por duke u nisur nga qëndrimet e të drejtës ndërkombëtare vlerësojmë se do të ishte e dobishme të theksojmë se qeveritë të cilat janë zgjedhur gjatë zgjedhjeve duhet të marrin mbështetje nga bashkësia ndërkombëtare.
Këtë e porositi ambasadori rus në Maqedoni Oleg Shçerbak pas dorëzimit të medaljes rektorit të Universiteti "Cirili dhe Metodi" Velimir Stojkovski në nderë të 70 vjetorit nga fitorja e fashizmit dhe për kontributin e tij të madh personal në shënimin e kësaj date dhe për kryengritjen antifashiste të rinisë.
"Edhe krahas asaj nëse ndonjë Qeveri dikujt i pëlqen ose jo, duhet të respektohet, sepse paraqet zgjedhje të popullit të Maqedonisë. Respektimi i rezultateve të zgjedhjeve paraqet parimin më kryesor të demokracisë. Rezultatet e zgjedhjeve u pranuan nga ana e shumë vëzhgueseve, nga ana e vëzhguesve të Këshillit të Evropës, OSBE-së dhe organizatave të tjera ndërkombëtare" deklaroi Shçerbak.
Për ndryshimin e Qeverisë në suaza të procedurave demokratike, theksoi ai, ekzistojnë zgjedhje.
Ai theksoi se Maqedonia si vend i zhvilluar i ka të gjitha instrumentet dhe kapacitetet të kuptojë nga cila anë i vjen kërcënimi, ndërsa më e rëndësishme është, shtoi, t'i konfirmojë rrugët për zgjedhjen e këtij problemi.
"Rusia si mike e Maqedonisë është e shqetësuar për shkak të përpjekjeve për destabilizim të vendit sepse destabilzimi i Republikës së Maqedonisë nuk u përgjigjet interesave të qytetarëve të saj, e as, interesave të rajonit dhe tërë botës",theksoi ambasadori rus.
Ai nuk dakordohet me deklaratën e sekretarit amerikan të shtetit Xhon Keri se Maqedonia gjendet në linjë të zjarrit mes Lindjes dhe Perëndimit, gjegjësisht në linjë të zjarrit mes Rusisë dhe SHBA-së.
"Ne tërësisht e përgënjeshtrojmë logjikën e tillë konfrontuese. Ne nisemi nga logjika për zhvillim të bashkëpunimit, marrëdhëniet të dobishme të ndërsjella të cilat duhet të realizohen në bazë të barazisë. Njëjtë si dhe 20 vitet e fundit, apo 18 ose 16 vitet, Rusia edhe tani angazhohet për avancimin e marrëdhënieve bilaterale në Republikën e Maqedonisë dhe fushën tregtare-ekonomike, dhe në fushën e kulturës dhe politikës" tha Shçerbak.
Thekson se idetë e nacionalizimit dhe fashizimit radikal janë shumë të rrezikshme dhe për këtë, theksoi duhet të luftojmë kundër ripërtëritjes së fashimzimi në shumë vende mes tjerash edhe në Evropë dhe Ukrainë.
|