Presidenti Ivanov do të urdhërojë angazhimin e ARM-së në kufirin jugor dhe verior Shkup, 20 gusht 2015 (MIA) - Presidenti i Maqedonisë, Gjorge Ivanov do të marrë vendim për angazhimin e ARM-së në linjën jugore dhe veriore kufitare dhe përgjatë Korridorit 10, në një afat sa më të shpejt, në përputhje me procedurat e parapara në Ligjin për Menaxhim me Kriza dhe pas shpalljes së rajonit të krizës, kumtoi kabineti presidencial.
Urdhëri i Ivanovit vijon pas vizitës së tij në kufirin jugor të Republikës së Maqedonisë në korrik, kur ai paralajmëroi angazhimin e ushtrisë për të ndihmuar policinë në ballafaqimin me valën e emigrantëve dhe pasi Qeveria shpalli situatë krize në kufijtë jugore dhe veriore.
Ivanov atëherë theksoi se kur bëhet fjalë për sigurinë kombëtare, Maqedonia si shtet duhet të marrë të gjitha masat dhe aktivitetet që do t'i parandalonin efektet e padëshiruara.
|