Popovski: Ushqimi monitorohet dhe është i sigurtShkup, 9 shkurt 2016 (MIA) - Garantoj se ushqimi është i sigurt dhe i kontrolluar në nivelin më të lartë. Qytetarët mund të jenë të qetë, monitorimi është zbatuar dhe zbatohet, deklaroi sot drejtori i Agjencisë për ushqim dhe veterinari (AUV), Zora Popovski, duke i hedhur poshtë akuzat e zëvendësministrit shtesë të Bujësisë, Pylltarisë dhe Ekonomisë së Ujërave, Lupço Nikollovski.
Sipas Popovskit, nëse Nikollovski dëshiron të shkaktojë shqetësim tek popullata, nuk do të arrijë sukses sepse nuk i ka marrë parasysh faktet, e ato janë rezultatet nga monitorimi, të cilat publikohen çdo vit dhe janë transparente.
"Rezultatet nga monitorimi çdo vit i tregojmë publikisht. Këtë e kemi bërë edhe për vitin e kaluar kur janë marrë për analizë 1.133 ekzemplarë. Vetëm 22 ose 0.97 për qind e tyre kanë qenë pozitive që është numër për lavdatë sepse mesatarja në BE është diçka mbi një për qind", theksoi drejtori i AUV.
"Edhe një vërtetim se ushqimi në Maqedoni është i sgurt", tha Popovski është eksporti që realizohet në Bashkimin Evropian, Kinë, Rusi, SHBA...
"Maqedonia nuk do të mund të eksportojë asnjë gram ushqim nëse sistemet e sigurisë nuk janë në nivelin më të lartë që kërkojnë tregjet e huaja", nënvizoi Popovski.
Duke u përgjigjur në pyetjen e gazetarëve, potencoi se edhe po të jetë lidhur marrëveshje me Fakultetin e Veterinarisë, Institutin për shëndet publik dhe Laboratorin shtetëror fitosanitar, monitorimi në periudhën që e thekson Nikollovski nga maji deri në shtator të vitit të kaluar nuk do të thotë se do të zbatohej.
|