RDM: Urgjentisht të zgjidhet katastrofa humanitare e refugjatëve Shkup, 9 mars 2016 (MIA) - Ripërtëritja Demokratike për Maqedoninë kërkon nga institucionet kompetente në vend urgjentisht ta zgjidhin katastrofën humanitare në kampin e refugjatëve Tabanocë, ku kanë mbetur mbi 1.000 refugjatë pas mbylljes së kufijve të Ballkanit dhe të Evropës.
Nga partia propozojnë t'u ndihmohet refugjatëve që kanë mbetur në tampon zonën mes Greqisë dhe Maqedonisë përmes ndihmës së përbashkët solidare nga të dyja vendet. Gjë që sipas tyre, është më së paku që mund të bëhet për t'ua lehtësuar vuajtjet refugjatëve.
RDK-ja njëkohësisht kërkon përgjigje nga Qeveria nëse janë të vërteta spekulimet që janë paraqitur në opinion se kërkohen plumba gome dhe të ngjashme si "mjete për mbrojtje" në kufijtë nga Qeveria austriake.
|