Ambasadori Bejli për vizitë në USHTTetovë, 5 maj 2016 (MIA) - Ambasadori i SHBA-së në Maqedoni Xhes Bejli sot e vizitoi Universitetin Shtetëror të Tetovës ku u takua me rektorin e USHT-së Vullnet Ameti. Kjo është vizita e parë zyrtare e ambasadorit Bejli në USHT.
"SHBA-të kanë më shumë lloje të bashkëpunimit me universitetet në Maqedoni si bursa, udhëtime studimore dhe të ngjashme direkt me qeverinë amerikane, por, njëkohësisht edhe me përkrahje të institucioneve tona të lidhen me universitetet këtu. Kjo është pjesë e rëndësishme e punës sime në Maqedoni ta përforcojë bashkëpunimin e tillë dhe me atë ende më shumë të përforcohen lidhjet afatgjate mes të dy vendeve tona dhe veçanërisht njerëzit të cilët duhet ende më shumë të lidhen dhe ta zgjerojnë mirëkuptimin e tyre të ndërsjellë në vehte dhe në botë. Kështu unë shoh në këtë vizitë dhe në të tjerat në universitetet e Maqedonisë", deklaroi ambasadori Bejli.
Rektori i USHT-së Ameti, sërish, theksoi se studentët, profesorët dhe administrata e USHT-së janë falënderues të SHBA-së për kontributin e tyre për këtë institucion nga fillimet e formimit të saj dhe nga, ashtu siç tha, përpjekjet e tyre për promovimin e demokracisë dhe vlerave akademike.
"Ne si drejtori e USHT-së mundohemi ta përparojmë këtë miqësi dhe ta ruajmë bashkëpunimin me universitetet amerikane përmes profesorëve të njohur nga SHBA-ja të cilët ligjërojnë në fakultetet tona si përmes pjesëmarrjes së përbashkët në disa projekte shkencore ndërkombëtare në fusha të ndryshme", tha Ameti.
Në suaza të vizitës së tij të sotme në USHT, ambasadori i SHBA-së Xhes Bejli mbajti ligjëratë nën titullin "U.S. Elections: A Personal Perspective", pas përfundimit të së cilës është përgjigjur në pyetjet e studentëve dhe profesorëve të pranishëm të USHT-së.
|